Халқ депутатлари Вобкент туман Кенгашидаги Ўзбекистон ХДП гуруҳи аъзоси Омон Мухторовга «Шанба» маҳалла фуқаролар йиғинидаги Ободмаҳалла, Халқобод ва Шамсиобод қишлоқлари фуқаролари томонидан мурожаат келиб тушган эди.

Унда аҳоли хонадонларида зах кўтарилиши натижасида бир қатор ноқулайликлар юзага келаётгани, шу боис ҳудуддан ўтган захкашни тозалашда ёрдам сўралганди.

Мазкур масала бўйича депутат томонидан туман сув хўжалиги бўлимига депутатлик сўрови юборилди ва махсус техниклар ёрдамида захкаш тозаланди. Натижада зах кўтарилишининг олди олинди.

ЎзХДП Марказий Кенгаши

Ахборот хизмати.