Bosh murabbiy Vladimir Bayramov boshchiligidagi “Arkadag” futbol klubi ketma-ket ikkinchi yil muddatdan oldin Turkmaniston chempioni unvonini qo‘lga kiritdi.

Jamoa mamlakat chempionati yakunlanishiga besh tur qolganda Balkanobodning “Nebitchi” jamoasini qabul qilib, 5:1 hisobida ishonchli g‘alabaga erishdi. Ushbu g’alaba evaziga «Arkadag» o’zining eng yaqin ta’qibchisi «Ahal»dan 23 ochkoga uzib ketdi.

“Arkadag” klubi milliy ahamiyatga ega yangi shahar sharafiga shunday nomlangan. Jamoa 2023-yilda tashkil etilgan bo’lib, birinchi yilidayoq Turkmaniston chempionati va mamlakat kubogi sohibiga aylangan. Mana shu g‘alabalar evaziga «Arkadag» OFK Challenj ligasida ishtirok etish huquqini qo‘lga kiritdi.