Isroilning Bayrutga uyushtirgan havo hujumi natijasida halok bo‘lganlar soni 31 kishiga yetdi, 68 kishi jarohat olgan. Bu haqda Livan Sog‘liqni saqlash vazirligi ma’lum qildi.

Taxminan 20 kishi bedarak yo‘qolgan, deyiladi «Al-Mayadeen» telekanali bergan xabarda. Bugun Al-Qaim mahallasida vayronaga aylangan ikki uy qulagan joyda qidiruv-qutqaruv operatsiyasi davom ettirilgan. Havo hujumi chog‘ida Hizbullohning ikki harbiy yetakchisi va 13 nafar qo’mondoni halok bo‘lgani tasdiqlandi.