Hindiston sharqidagi Bixar shtatida Gang daryosi o’z qirg’oqlaridan toshib ketdi. Bu haqda «MIR 24 telekanali» xabar bermoqda.

Toshqinga 10 kundan ortiq davom etgan kuchli yomg‘ir sabab bo‘lgan. Sel suvlari butun mintaqa bo‘ylab yuzlab uylarga, chorva mollariga va ekinlarga zarar yetkazgan.

Qutqaruv guruhlari suv bosgan yo‘llar bo‘ylab qayiqlarda harakatlanmoqda. 300 dan ortiq jamoat oshxonasi suv toshqini qurbonlariga quruq oziq-ovqat qoplari va polietilen plyonkalar tarqatmoqda. Rasmiylar toshqindan jabr ko‘rgan hududlarda 600 dan ortiq davlat maktablarini yopish va universitet imtihonlarini keyinga qoldirishni buyurgan.