Oy: Oktabr 2024

Xorazm viloyati, Shovot tumanida yashovchi ota ikki nafar farzandlarining 18 yoshga qadar bo‘lgan davri uchun to‘lanishi lozim bo‘lgan aliment puli o‘rniga tumanda yangi qurilgan ko‘p qavatli uylardan ikki xonali kvaritirani sovg‘a qildi.

Bosh prokuratura huzuridagi Majburiy ijro byurosining Shovot tumani bo‘limi ish yurituvidagi fuqarolik ishlari bo‘yicha Shovot tumanlararo sudining buyrug‘iga asosan qarzdor N.E.dan undiruvchi fuqaro O.S. foydasiga ikki nafar voyaga yetmagan farzandlari uchun aliment undirish belgilangan.

Byuroning Shovot tumani bo‘limi davlat ijrochisi tomonidan qarzdor bilan o‘tkazilgan targ‘ibot tadbiri davomida O‘zbekiston Respublikasi Vazirlar Mahkamasining “Alimentlarni oldindan to‘lash, shuningdek, aliment to‘lash majburiyatini ta’minlash bo‘yicha garov shartnomasini tuzish tartibi to‘g‘risidagi nizomni tasdiqlash haqida”gi Qaroriga asosan voyaga yetmagan bolalar ta’minoti uchun alimentlarni oldindan to‘lash imkoniyati mavjudligi tushuntirilgan.

Davlat ijrochisining olib borgan ijro harakatlari, shuningdek, tushuntirish ishlari samara berib, tomonlarning o‘zaro kelishuviga ko‘ra, ota o‘z farzandlarining 18 yoshga to‘lguniga qadar belgilangan aliment to‘lovi uchun Shovot tumani, “Arbob” MFYda joylashgan yangi qurilgan ko‘p qavatli uydan ikki xonali kvartirani turmush o‘rtog‘iga notarial tartibda rasmiylashtirib berdi.

Raqobat qo‘mitasi hamda O‘zbekiston iste’molchilar huquqlarini himoya qilish jamiyatlari federatsiyasi bilan hamkorlikda respublikada faoliyat yuritayotgan 700 ga yaqin ovqatlanish korxonalarida tanlanma asosida o‘rganish ishlari olib borildi.

O‘rganishlarda umumiy ovqatlanish sub’yektlari tomonidan iste’molchilarga xizmat ko‘rsatishda ovqat tayyor bo‘lish vaqti, narxi va to‘lash shartlari haqida to‘g‘ri tushunarli ma’lumot taqdim etmaslik, taomnomalarda tayyor ovqatlarning hajmlari ko‘rsatilmaganligi, yo‘l bo‘yida sanitar qoidalariga nomuvofiq joylarda ovqat tayyorlash, tayyor ovqatni yetkazib berish, tashish va saqlashdagi muammolar ma’lum bo‘ldi.

Shuningdek, o‘rganish ishlarida qamrab olingan 700 ga yaqin umumiy ovqatlanish korxonalarining:

⁃ 524 tasida — (75%) taomnoma davlat tilida emas;

⁃ 480 tasida — (69%) ish rejimi ko‘rsatilmagan;

⁃ 449 tasida — (65%) narxnomalar mavjud emas;

⁃ 429 tasida — (62%) avtoturargohlar mavjud emas;

⁃ 519 tasida — (74,6%) favqulodda vaziyatlar uchun chiqish yo‘laklari mavjud emasligi aniqlangan.

 

Raqobat qo‘mitasi tomonidan yuqoridagi aniqlangan kamchiliklarni bartaraf etish yuzasidan vakolatli organlarga (Sanitariya-epidemiologik osoyishtalik va jamoat salomatligi qo‘mitasi va O‘zbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi) tegishli tartibda ma’lumotlar kiritildi.