Muallif: root_super

9 yoshli qizini sotmoqchi bo‘lgan onaga nisbatan sud hukmi o‘qildi

Posted on | by root_super | Leave a Comment on 9 yoshli qizini sotmoqchi bo‘lgan onaga nisbatan sud hukmi o‘qildi

 

Toshkentda ayol qo‘shnisining 9 yoshli qizini jiyaniga 8700 dollarga sotish haqidagi taklifiga rozi bo‘lgan.

 

«Besh nafar farzandim bor, ularning to‘rttasi voyaga yetmagan. Qo‘shnimning aytishicha, jiyanining bolasi yo‘q va u ko‘pdan beri bundan aziyat chekadi. Avvaliga rad etdim. Lekin u qo‘ng‘iroq qilishda davom etgach, men uning jiyani bilan gaplashishga rozi bo‘ldim. Bu oilamizni saqlab qolishga yordam beradi, deb o‘ylagandim,» – dedi sudlanuvchi.

 

Sud 9 yoshli qizchaning onasini 8 yilga ozodlikdan mahrum qildi. Biroq jazo 3 yil sinov muddati bilan shartli jazoga almashtirildi. Qo‘shni ayol 3 yilga ozodlikni cheklash jazosiga hukm qilindi.

Yaponiyada 50 yildan ortiq o‘lim jazosini kutgan shaxs oqlandi

Posted on | by root_super | Leave a Comment on Yaponiyada 50 yildan ortiq o‘lim jazosini kutgan shaxs oqlandi

 

88 yoshli yaponiyalik Ivao Xakamada qotillik uchun o‘lim jazosini kutgan holda 56 yil qamoqda o‘tirdi. Sud Xakamadaga nisbatan tergov tomonidan taqdim etilgan dalillar uydirma, degan xulosaga kelib, uni oqladi. Bu dunyodagi har bir kishi qatlni kutish uchun sarflagan eng uzoq vaqtdir.

 

Ivao Xakamada 1968-yilda butun oila a’zolarini o‘ldirganlikda ayblanib, o‘limga hukm qilingan. Xakamadaning ishini qayta ko‘rib chiqish 2014-yilda, sud himoyachining yarim asr oldin ish bo‘yicha ishlagan tergovchilar dalil keltirishi mumkinligi haqidagi gumonlarini inobatga olganidan keyin tayinlangan.

 

Bundan 50 yil muqaddam bu qirg‘in yapon jamiyatini larzaga solgan va jarayonning qayta boshlangani katta noroziliklarga sabab bo‘lgan. Payshanba kuni 500 ga yaqin odam Shizuoka sud binosi oldida xalq uchun ajratilgan o‘rindiqlarni egallash umidida saf tortdi.

 

Ivao Xakamadaning o‘zi tinglovlarda ishtirok etmadi. Sud uni ruhiy salomatligi yomonlashgani uchun har qanday protseduralarda ishtirok etishdan ozod qildi.

 

O‘nlab yillar davomida, asosan, bir kishilik kamerada va doimiy qatl tahdidi ostida qamoqqa olingani uning ruhiyatiga katta zarar yetkazgan. Xakamada ayni vaqtda 91 yoshda.

Ertangi ob-havo ma’lumoti e’lon qilindi

Posted on | by root_super | Leave a Comment on Ertangi ob-havo ma’lumoti e’lon qilindi

 

“O‘zgidromet” 27-sentabr, juma kuni kutilayotgan ob-havo haqida ma’lumot berdi. Toshkent shahrida havo biroz bulutli bo‘ladi, yog‘ingarchilik kutilmaydi. Shamol sharqdan 3-8 metr/sekund tezlikda esadi. Harorat kechasi 13-15 daraja, kunduzi 23-25 daraja bo‘ladi.

 

Qoraqalpog‘iston Respublikasi, Xorazm viloyatida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin. Harorat kechasi 5-10 daraja, kunduzi 18-23 daraja bo‘ladi.

 

Buxoro va Navoiy viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 15-20 metr/sekund gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 10-15 daraja, kunduzi 20-25 daraja bo‘ladi.

 

Toshkent, Sirdaryo, Jizzax va Samarqand viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 13-18 metr/sekundgacha kuchayishi mumkin. Harorat kechasi 10-15 daraja, kunduzi 20-25 daraja bo‘ladi.

 

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan7-12 metr/sekund tezlikda esadi, 13-18 metr/sekund gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 13-18 daraja, kunduzi 23-28 daraja bo‘ladi.

 

Andijon, Namangan va Farg‘ona viloyatlarida havo biroz bulutli bo‘ladi, baʼzi joylarda qisqa muddatli yomg‘ir yog‘ishi mumkin. Shamol g‘arbdan 7-12 metr/sekund tezlikda esadi. Harorat kechasi 10-15 daraja, kunduzi 20-25 daraja bo‘ladi.

 

Tog‘li hududlarda havo biroz bulutli bo‘ladi, baʼzi joylarda yomg‘ir yog‘adi. Shamol g‘arbdan 7-12 metr/sekund tezlikda esadi. Harorat kechasi 3-8 daraja iliq, kunduzi 12-17 daraja bo‘ladi.

Isroil Livanda quruqlik operatsiyasini o‘tkazmoqchi

Posted on | by root_super | Leave a Comment on Isroil Livanda quruqlik operatsiyasini o‘tkazmoqchi

 

Isroil mudofaa kuchlari Livanning “Hizbulloh” guruhiga qarshi quruqlikdagi operatsiyani tayyorlamoqda.

 

Bu haqda kecha, 25-sentabr kuni Bosh shtab rahbari Gerzi Halevi ma’lum qildi. Isroil Bosh shtabi qo‘mondoni, shuningdek, Livandan Tel-Avivga ballistik raketa uchirilganiga juda kuchli javob bo‘lishiga va’da qilgan.

Toshkent shahrining Uchtepa tumaniga yangi hokim tayinlandi

Posted on | by root_super | Leave a Comment on Toshkent shahrining Uchtepa tumaniga yangi hokim tayinlandi

 

Mamajonov Bunyod Baxtiyorovich Uchtepa tumani hokimi etib tayinlandi. Bu haqda Toshkent shahri hokimligi axborot xizmati xabar berdi.

 

Tayinlovgacha u «Asakabank» aksiyadorlik jamiyati boshqaruvi raisining o‘rinbosari lavozimida faoliyat yuritib kelgan. Bunyod Mamajanov 1985-yilda Toshkent shahrida tug‘ilgan.

 

Ma’lumoti oliy, 2008-yilda Toshkent moliya institutini magistrlik darajasi bilan tamomlagan.

Hindistondagi toshqin sabab 600 dan ortiq maktab yopildi

Posted on | by root_super | Leave a Comment on Hindistondagi toshqin sabab 600 dan ortiq maktab yopildi

 

Hindiston sharqidagi Bixar shtatida Gang daryosi o’z qirg’oqlaridan toshib ketdi. Bu haqda «MIR 24 telekanali» xabar bermoqda.

 

Toshqinga 10 kundan ortiq davom etgan kuchli yomg‘ir sabab bo‘lgan. Sel suvlari butun mintaqa bo‘ylab yuzlab uylarga, chorva mollariga va ekinlarga zarar yetkazgan.

 

Qutqaruv guruhlari suv bosgan yo‘llar bo‘ylab qayiqlarda harakatlanmoqda. 300 dan ortiq jamoat oshxonasi suv toshqini qurbonlariga quruq oziq-ovqat qoplari va polietilen plyonkalar tarqatmoqda. Rasmiylar toshqindan jabr ko‘rgan hududlarda 600 dan ortiq davlat maktablarini yopish va universitet imtihonlarini keyinga qoldirishni buyurgan.

Xorazmdagi maktabda MIB xodimlari bolani nega majburlab olib ketishdi?

Posted on | by root_super | Leave a Comment on Xorazmdagi maktabda MIB xodimlari bolani nega majburlab olib ketishdi?

 

Ijtimoiy tarmoqlarda byuro xodimlari voyaga yetmagan bolalarni mashinada majburlab olib ketgani haqida video tarqalgandi. Bu haqda MIB axborot xizmati quyidagilarni ma’lum qildi.

 

Unga ko‘ra, byuroning Shovot tumani bo‘limi ish yurituvidagi fuqarolik ishlari bo‘yicha Shovot tumanlararo sudining ijro varaqasiga asosan qarzdorlar B.Abdullayev hamda S.Egamovalardan undiruvchi G.Ibraximovaning tarbiyasiga ikki nafar farzandini olib berish belgilangan.

 

9-sentabr kuni qarzdor S.Egamovaga ijro hujjati mazmuni o‘qib eshittirilganda qarzdor ijro hujjati ijrosini o‘z ixtiyori bilan ta’minlashdan bosh tortgan.

 

Shundan so‘ng undiruvchi G.Ibraximova, qarzdor S.Egamova, tuman IIB xodimi, xolislar ishtirokida Shovot tumanidagi 34-sonli maktabga borilib, mazkur maktab direktoriga sud ijro hujjati o‘qib eshittirilgan. Undiruvchining ikki nafar farzandi majburiy tartibda uning tarbiyasiga sog‘-salomat olib berilishi ta’minlangan va bu haqda tegishli dalolatnoma rasmiylashtirilgan.

 

Hozirda farzandlar onasi bilan birga ekanligi va maktabda ta’lim olishni davom ettirayotgani qayd etilgan.

Qashqadaryoda ayol qaynotasining miltig‘idan o‘zini otib qo‘ydi

Posted on | by root_super | Leave a Comment on Qashqadaryoda ayol qaynotasining miltig‘idan o‘zini otib qo‘ydi

 

Qashqadaryo viloyatida ayol tasodifan qaynotasining miltig‘idan boshiga o‘q o‘zib qo‘ydi. Mazkur voqea 22-sentabr kuni “O‘rta” mahallasida sodir bo‘lgan. Aniqlanishicha, fuqaroning qaynotasi qurolni seyfga qo‘yishni unutgan. Uni molxonaning yonidagi ochiq joyda qoldirgan.

 

Ayol miltiqni yig‘ishtirish paytida seyfga qo‘yishga uringan. Jarayonda u tasodifan boshiga o‘q uzgan. Qayd etilishicha, fuqaro voqea joyida vafot etgan.

Toshkentdan Buxorogacha tezyurar poyezdlar uchun yangi temiryo‘l quriladi

Posted on | by root_super | Leave a Comment on Toshkentdan Buxorogacha tezyurar poyezdlar uchun yangi temiryo‘l quriladi

 

Toshkent–Samarqand, Samarqand–Navoiy–Buxoro yo‘nalishlarida tezyurar poyezdlar uchun yangi temiryo‘l quriladi. Bu haqda prezident Shavkat Mirziyoyev OIIB sammitidagi nutqida aytib o‘tdi.

 

“Biz 2030-yilgacha 30 milliard dollarlik davlat-xususiy sheriklik loyihalarini amalga oshirish bo‘yicha katta dastur qabul qildik. Xususan, Toshkent–Samarqand va Toshkent–Andijon yo‘nalishlarida pullik avtomobil yo‘llari, Toshkent–Samarqand, Samarqand–Navoiy–Buxoro yo‘nalishlarida tezyurar poyezdlar uchun yangi temiryo‘l qurish loyihalari amalga oshiriladi”, – dedi davlat rahbari.

 

Shavkat Mirziyoyevning qo‘shimcha qilishicha, respublikaning yana 6 ta xalqaro aeroportini modernizatsiya qilish davlat-xususiy sheriklikka beriladi.

 

“Shuningdek, kelgusi 5 yilda elektr, suv va gaz taqsimlash tarmoqlarini boshqarish xususiy operatorlarga o‘tadi. Masalan, Samarqand viloyatining elektr tarmoqlarini boshqaruvga olish bo‘yicha o‘tkaziladigan tenderga 50 dan ziyod xorijiy nufuzli kompaniyalar o‘z qiziqishini bildirdi”, – dedi prezident.

 

Ma’lum qilinishicha, bugungi kunda infratuzilma, energetika, transport, suv ta’minoti va barqaror rivojlanish yo‘nalishida OIIB bilan 3 milliard dollarlik 15 ta loyiha amalga oshirilmoqda.

 

“Shu kunlarda bank bilan kelgusi 3 yilda yana 4 milliard dollarlik loyihalar dasturini amalga oshirishga kelishib oldik”, – dedi Shavkat Mirziyoyev.

 

Toshkent–Samarqand pulli yo‘lini qurish ishlari shu yil boshlanishi kerak. Prezidentning avgust oyidagi qaroriga ko‘ra, eng yaxshi taklif bergan quruvchi kompaniyani tanlab olish bo‘yicha tanlov joriy sentabr oyida e’lon qilinishi ko‘zda tutilgan. Yil oxirigacha tanlov natijalarini e’lon qilish, pudratchi bilan shartnoma imzolash va qurilish ishlarini boshlash topshirig‘i berilgan.

 

O‘zbekistondagi birinchi pulli yo‘lni qurish ishlari esa 2028-yil oxirigacha yakunlanishi ko‘zda tutilgan. Shundan keyin yo‘l davlat-xususiy sheriklik asosida xususiy operatorga topshiriladi. Loyiha qiymati taxminan 2,2 mlrd dollarga baholanmoqda.

Ohangaronda 9 kishining nomiga kredit olgan erkak qo‘lga olindi

Posted on | by root_super | Leave a Comment on Ohangaronda 9 kishining nomiga kredit olgan erkak qo‘lga olindi

 

Ohangaronda 9 nafar fuqaroning nomiga imtiyozli kredit rasmiylashtirib, 357,1 mln so‘m o‘zlashtirgan MCHJ rahbari qo‘lga olindi.

 

Erkak 5 ta MCHJ rahbari bilan til biriktirib, o‘zi ham MCHJ tuzib, bankdan fuqarolar nomiga kredit olgan. Olingan kredit pullarni esa yuqoridagi MCHJlardan naqdlashtirib olgan.

 

Hodisa Jinoyat kodeksining 167-moddasi bo‘yicha tergov qilinmoqda.