Muallif: root_super

Inson uchun xavfli oziq-ovqatlar ro‘yxati e’lon qilindi

Posted on | by root_super | Leave a Comment on Inson uchun xavfli oziq-ovqatlar ro‘yxati e’lon qilindi

 

Kolbasa, dudlangan mol go‘shti, sosiska va shu singari qayta ishlangan go‘sht mahsulotlari onkologik kasalliklarni keltirib chiqarishi mumkin. Bu haqda Jahon sog‘liqni saqlash tashkiloti ma’lum qildi. JSST inson salomatligiga salbiy ta’sir ko‘rsatib, turli xastaliklar rivojlanish xavfini oshiruvchi quyidagi oziq-ovqat mahsulotlari ro‘yxatini e’lon qildi:

 

Qayta ishlangan go‘sht mahsulotlari

 

JSST xulosasiga ko‘ra, kuniga atigi 50 gramm miqdorida shunday yeguliklarni iste’mol qilish yo‘g‘on ichak saratoni rivojlanish xavfini 18 foizga oshiradi.

 

Transyog‘lar va margarin

 

JSST transyog‘larni ovqatlanish rasionidan butunlay chiqarib tashlash tarafdori. Qayd etilishicha, dunyo bo‘ylab 5 milliardga yaqin odam shunday zararli mahsulotlardan himoyalanmagan. Bu esa yurak xastaliklari va o‘lim xavfini oshiradi. Ayniqsa, margarin eng zararli yog‘lardan biri hisoblanadi.

 

Qovurilgan yeguliklar

 

Tamaddixonalarda qayta-qayta ishlatiladigan yog‘ sog‘lik uchun katta ziyon keltiradi. O‘z navbatida, qizartirib qovurilgan yeguliklar turli xavfli kasalliklarni keltirib chiqaradi.

 

Shakar va uning o‘rnini bosuvchi mahsulotlar

 

Shakarning me’yordan ko‘p miqdori jigarni zo‘riqtiradi va qator xastaliklarga chalinish ehtimolini oshiradi. Shu bois JSST tavsiyasiga ko‘ra, kunlik shakar iste’moli 25 grammdan oshmasligi kerak.

 

Konservalangan va qadoqlangan taomlar

 

Bunday yeguliklar tarkibida ularni saqlash muddatini uzaytirishga xizmat qiluvchi zararli qo‘shimchalar mavjud. Masalan, kartoshka chipslaridagi natriy glutamat organizmni xuddi chekish bilan bir xil darajada zaharlaydi. Qolaversa, mutaxassislar tarkibida xuddi shu modda bo‘lgan ziravor bo‘laklari sog‘likda jiddiy muammolarni yuzaga keltirish ehtimoli katta ekanini aytmoqda.

Toshkent dunyoning havosi eng iflos shaharlari reytingidan joy oldi

Posted on | by root_super | Leave a Comment on Toshkent dunyoning havosi eng iflos shaharlari reytingidan joy oldi

 

Shu yilning 21-oktyabr kuni tongda Toshkent shahrida havo tarkibidagi PM2.5 zarrachasi JSST tasdiqlagan me’yordan qariyb 10 barobarga oshdi.

 

“Air Quality Index” xabariga ko‘ra, Toshkent shahri shu yilning 21ғoktyabr kuni dunyoning havosi eng iflos shaharlari reytingida 6 o‘ringa ko‘tarildi. Ushbu nosog‘lom havo muhiti hisoblanadi va barcha toifadagi insonlar salomatligi uchun xavf tug‘diradi.

 

Holat keyinroq, biroz yaxshilangan bo‘lsada, havo tarkibidagi PM2.5 zarrachasi soni yuqoriligicha qolmoqda.

Ertaga respublika hududining katta qismida yomg‘ir yog‘ishi kutilmoqda

Posted on | by root_super | Leave a Comment on Ertaga respublika hududining katta qismida yomg‘ir yog‘ishi kutilmoqda

 

«O‘zgidromet» xabariga ko‘ra, bugun kechga tomon Xorazm viloyatida ba’zi joylarda biroz yomg‘ir yog‘adi. Kunduzi havo harorati +24…+27 darajani, shimolda +12…+17 darajani tashkil etadi.

 

Ertaga respublika hududining katta qismida yomg‘ir yog‘adi, shamol ba’zi joylarda 15-18 m/s gacha kuchayishi kutilmoqda. Kunduzgi harorat +15…+20 darajagacha pasayadi.

 

Chorshanba va payshanba kunlari faqat respublikaning janubiy va sharqiy hududlarida yomg‘ir yog‘ishi ehtimoli bor. O‘zbekiston bo‘yicha eng jadal yomg‘irlar 25 oktyabr kuni prognoz qilinmoqda.

 

Havo harorati 23-oktyabrda kechasi +8…+13 darajagacha, kunduzi +10…+15 darajagacha, 24 oktyabrda kechasi +5…+10 darajagacha, kunduzi +12…+17 darajagacha, 25 oktyabrda kechasi +5…+10 darajagacha, kunduzi +14…+19 darajagacha bo‘ladi.

 

22-oktyabrdan 25-oktyabrgacha respublikaning tog‘ oldi va tog‘li hududlarida ba’zi joylarda yomg‘ir yog‘ishi kutilmoqda, 23-25 oktyabrda ayrim hududlarda ba’zi joylarda kuchli yomg‘ir yog‘ishi mumkin, baland tog‘li hududlarda qorga aylanadi.

 

Poytaxtda bugun quyoshli va quruq ob-havo kuzatiladi, harorat kunduzi +25…+27 darajagacha bo‘ladi. Ertaga kechga tomon vaqti-vaqti bilan yomg‘ir yog‘adi. Shamol 5-10 m/s tezlikda esadi. Harorat kechasi +11…+13 darajagacha, kunduzi +17…+19 darajagacha bo‘ladi.

 

23-24 oktyabrda yomg‘ir yog‘ishi mumkin. Shamol 5-10 m/s tezlikda esadi. Harorat 23 oktyabrda kechasi +11…+13 darajagacha, kunduzi +13…+15 darajagacha, 24 oktyabrda kechasi +8…+10 darajagacha, kunduzi +15…+17 darajagacha bo‘ladi.

700 ga yaqin umumiy ovqatlanish korxonalarining 524 tasida taomnoma davlat tilida emas

Posted on | by root_super | Leave a Comment on 700 ga yaqin umumiy ovqatlanish korxonalarining 524 tasida taomnoma davlat tilida emas

 

Raqobat qo‘mitasi hamda O‘zbekiston iste’molchilar huquqlarini himoya qilish jamiyatlari federatsiyasi bilan hamkorlikda respublikada faoliyat yuritayotgan 700 ga yaqin ovqatlanish korxonalarida tanlanma asosida o‘rganish ishlari olib borildi.

 

O‘rganishlarda umumiy ovqatlanish sub’yektlari tomonidan iste’molchilarga xizmat ko‘rsatishda ovqat tayyor bo‘lish vaqti, narxi va to‘lash shartlari haqida to‘g‘ri tushunarli ma’lumot taqdim etmaslik, taomnomalarda tayyor ovqatlarning hajmlari ko‘rsatilmaganligi, yo‘l bo‘yida sanitar qoidalariga nomuvofiq joylarda ovqat tayyorlash, tayyor ovqatni yetkazib berish, tashish va saqlashdagi muammolar ma’lum bo‘ldi.

 

Shuningdek, o‘rganish ishlarida qamrab olingan 700 ga yaqin umumiy ovqatlanish korxonalarining:

⁃ 524 tasida — (75%) taomnoma davlat tilida emas;

⁃ 480 tasida — (69%) ish rejimi ko‘rsatilmagan;

⁃ 449 tasida — (65%) narxnomalar mavjud emas;

⁃ 429 tasida — (62%) avtoturargohlar mavjud emas;

⁃ 519 tasida — (74,6%) favqulodda vaziyatlar uchun chiqish yo‘laklari mavjud emasligi aniqlangan.

 

Raqobat qo‘mitasi tomonidan yuqoridagi aniqlangan kamchiliklarni bartaraf etish yuzasidan vakolatli organlarga (Sanitariya-epidemiologik osoyishtalik va jamoat salomatligi qo‘mitasi va O‘zbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi) tegishli tartibda ma’lumotlar kiritildi.

Jamshid Qo‘chqorovga «O‘zbekiston Respublikasida xizmat ko‘rsatgan iqtisodchi» faxriy unvoni berildi

Posted on | by root_super | Leave a Comment on Jamshid Qo‘chqorovga «O‘zbekiston Respublikasida xizmat ko‘rsatgan iqtisodchi» faxriy unvoni berildi

 

O‘zbekiston Respublikasi Bosh vazirining o‘rinbosari – iqtisodiyot va moliya vaziri Jamshid Kuchkarovga «O‘zbekiston Respublikasida xizmat ko‘rsatgan iqtisodchi» faxriy unvoni berildi.

 

O‘zbekiston Respublikasi Prezidentining farmoni bilan davlat idoralaridagi ko‘p yillik samarali mehnati, mamlakatimiz mustaqilligi va uning iqtisodiy qudratini mustahkamlash, moliya tizimini xalqaro andozalar asosida rivojlantirish va yangi bosqichga ko‘tarish, muhim dasturlar va investitsiya loyihalarini muvaffaqiyatli amalga oshirish borasidagi katta xizmatlari, yurtimiz taraqqiyoti va xalqimiz farovonligini yuksaltirishga qo‘shayotgan munosib hissasi, sohada malakali kadrlarni tayyorlash yo‘lidagi ibratli faoliyati uchun O‘zbekiston Respublikasi Bosh vazirining o‘rinbosari – iqtisodiyot va moliya vaziri Jamshid Qo’chqorovga «O‘zbekiston Respublikasida xizmat ko‘rsatgan iqtisodchi» faxriy unvoni berildi.

Endi avtobuslarda yo‘l haqi uchun naqd pul qabul qilinmaydi

Posted on | by root_super | Leave a Comment on Endi avtobuslarda yo‘l haqi uchun naqd pul qabul qilinmaydi

 

O‘zbekistonda avtobuslarda yo‘l haqi uchun naqd puldan voz kechilib, to‘liq elektron to‘lov tizimiga o‘tilmoqda.

 

Toshkent shahrida bo’lib o’tayotgan “Xalqaro hamkorlik tashabbuslari haftaligi” doirasidagi sessiyada Tranport vaziri Ilhom Mahkamov chiqish qilib, transport sohasida bajarilayotgan ishlar haqida gapirdi.

 

Muloqot yakunida vazir jurnalistlarga intervyu berdi. Ilhom Mahkamovning aytishicha, O‘zbekistonda avtobuslarda 2025-yil 1-yanvardan yo‘l haqi uchun naqd pul qabul qilishdan voz kechiladi.

 

“Bekatlarga naqd pulga bilet yoki QR-kod sotib olish imkoniyati yaratiladi. Aksariyat bekatlarga infokiosklar o‘rnatiladi. Hozir bu tajriba Toshkent shahrida sinovdan o‘tkazilyapti. Barcha avtobuslarga shu QR-kodlarni o‘qiy oladigan devayslar o‘rnatiladi. Ular o‘rnatilgach, tabiiyki konduktorlar ishlamaydi. Sababi naqd pulni yig‘ish ehtiyoji qolmaydi”, – degan vazir.

 

Transport vazirligining ma’lum qilishicha, yaqin istiqbolda 1 294 ta avtobus sotib olish rejalashtirilgan bo‘lib, asosiy e’tibor Toshkent va Samarqand shaharlarida elektrobuslar harakatiga qaratiladi. 2030-yilgacha avtobuslar sonini 5 000 taga, elektrobuslar sonini 2 000 taga yetkazish maqsad qilingan. Shaharlar va tumanlar jamoat transporti bilan to‘liq qamrab olinishini ta’minlash ko‘zda tutilayotgani qayd etilgan.

HAMASning yangi yetakchisi e’lon qilindi

Posted on | by root_super | Leave a Comment on HAMASning yangi yetakchisi e’lon qilindi

 

Falastindan tashqaridagi HAMAS rahbari Xolid Mash’al Isroil tomonidan o‘ldirilgan Yahyo Sinvardan so‘ng harakat rahbari vazifasini bajarmoqda.

 

Isroil armiyasi 17-oktabr kuni G‘azodagi operatsiya chog‘ida harakat yetakchisi Yahyo Sinvar o‘ldirilganini ma’lum qilgandi. Isroil askarlari sektorda patrullik qilayotganda tasodifan HAMAS rahbari Yahyo Sinvarga duch kelgan, deb yozmoqda «The New York Times».

 

“Patrullik paytida Isroil bo‘linmalari HAMAS vakillari bilan otishmaga kirishib, bir nechta jangchi yashiringan binoning bir qismini vayron qilgan. Ular Sinvar bilan to‘qnash kelishni kutmagan”, – deydi manbalar.

 

Ta’kidlanishicha, Xolid Mash’al endilikda Isroil bilan muzokara olib borish hamda isroillik garovga olinganlarni ozod qilish masalalariga mas’ul. HAMAS allaqachon Yahyo Sinvar o‘ldirilgani haqida Turkiya, Qatar va Misr hukumatini xabardor qilgani aytilmoqda.

 

Xolid Mash’al 1996-yildan 2017-yilgacha HAMASga rahbarlik qilgan. OAV ma’lumotlariga ko‘ra, u so‘nggi bir necha yil davomida Qatarda yashaydi.

 

O‘zbekiston iqtisodi eng tez o‘sayotgan mamlakatlardan biri ekani ma’lum qilindi

Posted on | by root_super | Leave a Comment on O‘zbekiston iqtisodi eng tez o‘sayotgan mamlakatlardan biri ekani ma’lum qilindi

 

Jahon banki hisobotiga ko‘ra, O‘zbekiston 2024-yilda Yevropa va Markaziy Osiyoning eng tez rivojlanayotgan iqtisodiyotlari orasida yetakchi o‘rinlardan birini egalladi. Jahon banki hisoboti mintaqada iqtisodiy o‘sish bir necha inqirozlardan keyin barqarorlasha boshlaganini ko‘rsatadi. Ammo stavkalar 2000-yillarning boshlarida kuzatilgan darajadan pastligicha qolmoqda.

 

YAIM o‘sish sur’atlari eng yuqori bo‘lgan davlatlar orasida Gruziya (7,5 foiz), Tojikiston (7,2 foiz) va O‘zbekiston (6 foiz) yetakchilik qilmoqda. Umuman olganda, mintaqa uchun o‘sish sur’ati o‘tgan yilgi 3,5 foizdan bu yil 3,3 foizgacha, 2025-yilga kelib esa 2,6 foizgacha sekinlashishi kutilmoqda.

 

O‘zbekiston bo‘yicha 2025-yil uchun mo‘ljallangan prognozlar mamlakat yalpi ichki mahsulotning 5,8 foiz o‘sishini ko‘rsatmoqda, mamlakat bu bilan mintaqada yetakchiga aylanishi mumkin.

Rossiya Qozog‘iston donini olib kirishni taqiqladi

Posted on | by root_super | Leave a Comment on Rossiya Qozog‘iston donini olib kirishni taqiqladi

 

Qozog‘iston bug‘doyi, yasmiq, zig‘ir urug‘i va boshqa qishloq xo‘jaligi mahsulotlarini Rossiya hududiga olib kirish taqiqlandi.

 

Ma’lum qilinishicha, vaqtinchalik cheklov 17-oktabrdan boshlab kuchga kirgan. Ammo don tranziti bilan bog‘liq holatlar bundan mustasno. Bundan tashqari, Rossiya qovun, pomidor, qalampir, kungaboqar urug‘larini ekish uchun uchinchi davlatlardan olib kirishni taqiqlamoqda.

 

Hujjatda qaror qachongacha amal qilishi haqida ma’lumot berilmagan. Avvalroq 23-sentyabrdan boshlab Rossiya o‘z hududi orqali Qozog‘iston doni va bir qator qishloq xo‘jaligi mahsulotlari tranzitiga bir tomonlama cheklovlar kiritgani xabar qilingandi.

 

Qozog‘iston Qishloq xo‘jaligi vazirligiga ko‘ra, karantin ostidagi mahsulotlarini qaytarish bilan bog‘liq vaziyatni hal etish maqsadida 8-oktyabr kuni “Rosselxoznadzor” bilan muzokaralar o‘tkazilgan.

Energiya resurslarini o‘g‘irlagan «zapravka»lar fosh etildi

Posted on | by root_super | Leave a Comment on Energiya resurslarini o‘g‘irlagan «zapravka»lar fosh etildi

 

Bosh prokuratura huzuridagi Departamentning hududiy bo‘limlari tomonidan o‘tkazilgan tezkor tadbirda Toshkent shahri va Samarqand viloyatida energiya resurslarini o‘g‘irlagan avtomobillarga gaz to‘ldirish shoxobchalari aniqlandi.

 

Bosh prokuratura huzuridagi Departamentning Yunusobod tumani bo‘limi tomonidan “Hududgaz Poytaxt” gaz ta’minoti filiali xodimlari bilan hamkorlikda o‘tkazilgan tergovga qadar tekshiruvda “B.” MCHJ rahbari T.A. va boshqalar MCHJga qarashli avtomobillarga gaz to‘ldirish shoxobchasida o‘rnatilgan gaz hisoblagichga tashqi ta’sir o‘tkazilib, jami 1,5 mln kub metr. tabiiy gazni o‘g‘irlab, davlat va jamiyat manfaatlariga 2,7 mlrd so‘m zarar yetkazganliklari aniqlangan.

 

Shuningdek, Departamentning Samarqand viloyati boshqarmasi tomonidan “O‘zenergoinspeksiya” hududiy boshqarmasi xodimlari bilan hamkorlikda o‘tkazilgan tergovga qadar tekshiruvda “M.G.” MCHJ rahbari S.R. Pastdarg‘om tumanidagi avtomobillarga gaz to‘ldirish shoxobchasida o‘rnatilgan elektr hisoblagichning ulanish sxemasini o‘zgartirib, tijorat maqsadida 2,1 mlrd so‘mlik elektr energiyasidan noqonuniy foydalanganligi aniqlangan.

 

Hozirda mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.