Muallif: root_super

“Inter Mayami” klubi xo‘jayini Devid Bekxem Lionel Messining AQSH jamoasiga o‘tishi sabablarini ma’lum qildi.

“Leo oilasi ajoyib hayot kechirishi uchun ko’chib o’tishi mumkin bo’lgan yaxshi joy topishni xohlardi. Bu uning uchun juda muhim edi. Uni jamoaga olib kelishni orzu qilardik. Futbol tarixidagi eng yaxshi futbolchi kim ekanligi haqida har kimning o’z fikri bor. Lekin, MLSda bugungi kunning eng buyuk futbolchisi bor va u «Inter Mayami»da to’p surmoqda. Har kuni mashg’ulotlarga boraman, hozirgacha jamoamizda Leoning borligiga ishonmayman. Shuningdek, men uning maydonda qanday harakat qilayotganini kuzatishni xohlayman», – deya Bekxemning so’zlaridan «Goal» nashri iqtibos keltirdi.

Messi o’tgan yili «Inter Mayami» jamoasiga qo’shilgan edi. Bu vaqt ichida argentinalik futbolchi jamoasi safida 32 ta gol urdi.

Toshkent viloyati Olmaliq shahrida maktab o‘quvchilari suvdan zaharlangani aytilmoqda. Bu haqda viloyat maktabgacha va maktab ta’limi boshqarmasi matbuot xizmati xabar berdi.

Ma’lum qilinishicha, holat Olmaliq shahrida joylashgan ixtisoslashtirilgan Buxoro maktabida sodir bo‘lgan. Ayni paytda viloyat Maktabgacha va maktab ta’limi boshqarmasi hamda Olmaliq shahar bo‘limida faoliyat yurituvchi mas’ullardan iborat ishchi guruh holatni o‘rganmoqda.

O‘rganishlar yakunida batafsil ma’lumot berilishi ta’kidlangan.

Qozog‘istonning Aqto‘be shahrida 92 yoshli onaxon farzandlaridan aliment talab qilib, sudga murojaat qildi. Ish Aqto‘be shahar sudida ko‘rib chiqilgan. Ish materiallariga ko‘ra, da’vogarning 9 nafar farzandi bor. Ona ulardan biri bilan yashaydi, shuning uchun u suddan qolgan 8 nafar sudlanuvchidan aliment undirishni so‘ragan.

Sudda ayol 92 yoshda ekani va ko‘plab surunkali kasalliklardan aziyat chekayotganini bildirgan. Da’vogar kenja qizi bilan yashashini, unga moddiy yordam ko‘rsatishini tushuntirgan. Uchrashuv davomida sudlanuvchilar onaga yordam berayotganini tasdiqlay olmagan.

Da’vogarning aytishicha, u 5-6 yildan beri qolgan farzandlarini ko‘rmagan. Ayblanuvchilarning ta’kidlashicha, kenja qizi ularni uyga kiritmagan, ammo bu haqda hech qanday dalil keltirilmagan. Sud buni nogiron ota-onani qo‘llab-quvvatlash majburiyatlarini bajarishdan bo‘yin tovlash sifatida baholagan.

Ayol o‘z farzandlaridan aliment undirish huquqiga ega bo‘lsa-da, lekin ulardan to‘rt nafari pensiya yoshiga yetganligi, undan aliment undirilishi shart emasligi hisobga olingan. Ma’lum qilinishicha, sud tomonidan to‘rt nafar sudlanuvchining har biridan onaning foydasiga 7 oylik aliment undirilgan.

Bolgariyada 1921-yildan beri birinchi vabo kasalligi qayd etildi. Kasallik o‘tkir diareya bilan kasalxonaga borgan 23 yoshli hindistonlik erkakda aniqlangan. Kasallik laboratoriya ma’lumotlari bilan tasdiqlangan, deb xabar bergan mamlakat sanitariya nazorati.

Bemor bilan aloqada bo’lgan yana bir kishi ham izolyatsiya qilingan. Shifoxona xodimlariga ko‘ra, kasalxonaga yotqizilganlarning ahvoli qoniqarli. Tibbiyot muassasasida epidemiyaga qarshi qatʼiy rejim joriy etilib, dezinfeksiya ishlari olib borilmoqda.